王璐瑤博鬧覓進步空間

自爆與余文樂互通情慾短訊的性感女星王璐瑤（LuLu）最近與黃日華合作拍劇，她大讚對方照顧新人，但同時竟希望捱罵，難道她有被虐狂！

王璐瑤（LuLu）最近拍攝城市電訊電視劇，與黃日華及關楚耀合作，戲份不多的她大讚黃日華Nice：「華哥好照顧新人！導演都好好，冇鬧我。其實畀導演鬧唔緊要，最緊要唔好有暴力對待，好彩我只係試過畀導演用粗口鬧，導演都係想我做好啲，新人係要畀人鬧吓點醒吓先會進步！」

LuLu稍後會拍攝微電影，從小對演戲有濃厚興趣的她，讀書時已參加學校的Drama Club，經常在學校演出舞台劇，長大後又在城大修讀演藝課程，問到最想演甚麼角色？LuLu說：「可以大發揮啲嘅，例如奸角或者精神病角色！我都想試吓演未試過嘅古裝。」至於最想合作的演員？她說：「好想再同劉青雲合作！之前喺電影《神探》同佢只得幾秒對手戲，但佢好肯教新人，佢演技當然一流！同埋都想同鄭伊健合作。」

搵圈外男友

單身的LuLu坦言若有追求者也有可能發展：「唔會再同圈內人，見過鬼仲唔怕黑咩！圈內太多誘惑，怕對方會好花心。我嘅擇偶條件係要專一、有承擔，同令我有安全感！」

Profile

姓名：王璐瑤（LuLu）

體重：47kg

身高：1米68

三圍：32B、24、34

簡歷：曾拍三級片《明媚時光》，因與謝天華爆緋聞而人氣急升。