羅蘭姐錫陳豪唔怕Aimee呷醋
藝人陳豪、陳茵媺（Aimee）、羅蘭、黃德斌、蕭正楠及何綺雲等昨日宣傳劇集《天梯》。玩遊戲時，陳豪被安排跟羅蘭姐一起拿着大紅花球拖手行禮，而陳豪在牽紅線環節中，再次抽中羅蘭姐手上的紅線，羅蘭姐對陳豪讚不絕口並大嗌：「好冧呀！我真係好鍾意佢o架！」其後她更毫不避嫌向陳豪大送飛吻及錫面。愛郎抽不中Aimee的紅線，問到有否感到失望時，她笑說：「玩遊戲啫。」但陳豪則尷尬地說：「依家唔係玩遊戲，係玩我哋呀！不過好彩揀咗羅蘭姐，唔係就大件事。（怕Aimee呷醋？）唔係，玩吓啫。」昨日正值中秋佳節，他倆表示會在工作中度過，問到會否在晚上見面，Aimee搞笑做封嘴手勢說：「唔話你知！」
為免尷尬，陳豪與Aimee拉埋黃德斌合照。
羅蘭姐嗌冧並錫陳豪面，抽吓水搞笑。
孭着何綺雲玩遊戲的蕭正楠大嗌重。