李天翔難敵愛貓嗲功

無綫藝人李天翔（Eric）經常飾演反派角色，演技精湛為人熟悉，他在劇中動不動喊打喊殺，但現實中鐵漢亦有柔情一面。Eric養了愛貓Tiger一年多，雖然貓貓性格高傲，不易與人熟落，但對於有養貓經驗的Eric卻易如反掌，他憶起上一隻愛貓時更感觸地說：「小學五年班時養過，養咗十年。」當年愛貓「百年歸老」，他一度以淚洗面，所以直至去年才有勇氣再養寵物。

談到現時寵愛的Tiger，Eric聲線即變溫柔：「佢成日見我遲返屋企，都會舌累地，嗲吓我。」Eric經常忙拍劇，但對Tiger照顧有加，不會任由牠在家中做「孤兒仔」，Eric說：「如果自己要做嘢，都一定會交低Tiger畀屋企人照顧。」

李天翔與愛貓Tiger鬥完「戲」，忍不住錫番啖。