林峯被吳千語爆床上最帥

Chok王林峯中秋難得與一班親戚共享天倫，卻笑言曾被迫相睇，而他前日到廣州宣傳電影時，被同行的緋聞女友吳千語大爆睡覺時最愛耍帥！

林峯、吳千語及毛舜筠等一行人前日到廣州宣傳電影《男人如衣服》，他與緋聞女友吳千語不避嫌地並排而坐，問到覺得林峯何時最愛耍帥時，千語竟回答：「他睡覺時最愛擺Pose！」令人充滿遐想！而在片中飾演母女的毛舜筠及千語更即場行「拜師之禮」，毛姐大讚徒兒演戲有天分：「第一次見就覺得她像我的女兒！雖然她首次演喜劇，但可以給八十分！」

避談情「霜」

而林峯、導演谷德昭及監製黃百鳴昨日在港繼續到商場宣傳電影，問到如何過中秋，林峯表示難得不用工作，會跟家人「四代同堂」共度：「食完飯屋企人會打麻雀，我同表兄弟玩啤牌同打機。（長輩催婚？）成日都有問緋聞，我話真就帶咗嚟啦！（帶過？）咁又冇！親戚啲小朋友都係我Fans，都當啲親戚係女友。（親戚逼你相睇？）試過，明明唔使開工都話要，因為好尷尬同好緊張。」問到經常一支公，有否被懷疑是同性戀時，林峯笑說：「朋友有問過，但自從有啲嘢發生咗就知我拍過拖。」林峯故意避提舊愛潘霜霜名字，因他認為事情已過去，不想重提。