陳子才擇日Kathy旺夫生B趁早

周汶錡（Kathy）與法籍男友Julien昨日拉埋天窗，原來選擇9月29日這個日子，是堪輿學家陳子才的主意。陳子才昨日接受電話訪問時說：「我同Kathy識咗好耐，佢2009年已經問我應該幾時結婚，我就話舊年Plan定啱喇！點知Julien舊年真係向Kathy求婚，起初我選今年5至7月畀佢揀，可惜因為Book唔到心水場地，所以我就揀9月29，亦係Kathy嘅心水日子！」

陳子才表示，Kathy五行屬金，而Julien五行屬木，彼此命格相夾。而Kathy自2008年開始會行20年財運，代表旺夫兼愈來愈有米。陳子才認為Kathy若打算生育，今年應努力造人，若錯過機會，要待兩年後才到生BB的好時機。

去年陳子才和齊芷瑤結婚時，Kathy（右一）也有到賀。