AOA潮用花碌碌小玩意
新進孖女組合AOA不時孖住Shopping，搶購可愛潮物！家姐Annelle（大Ann）最愛星星化妝袋：「女仔出街一定隨身攜帶化妝袋，我最鍾意Bling Bling、花花或者星星圖案。」她又表示化妝袋的質地亦很重要：「我鍾意軟身嘅袋，放落手袋唔阻碇，最好有條手帶，方便就咁拎出街！」
至於細妹Annice（細Ann）則鍾情顏色鮮艷的卡通電話套：「我最Like Hello Kitty電話套！」她又透露經常入貨：「我有選擇困難㗎，見啱就會買，儲咗好多個套，可以跟心情換唔同款！如果嗰日心情靚，就會用鮮粉紅色喇！」
各式各樣的化妝袋是女士恩物，星星圖案是大Ann的最愛。
細Ann狂掃電話套，隨手都拎得出兩個！