Jessica@SG獲「加」持 百病全消

組合Super Girls（SG）成員Jessica早前與四位隊友飛到加拿大溫哥華登台，寓工作於娛樂的Jessica抽空遊覽當地名勝Granville Island，並在橋上留倩影，她說：「之前喺美國讀書，試過揸3個鐘車落溫哥華，但當時太趕冇嚟到，今次有機會梗係到此一遊啦！」由於附近有不少大學，Jessica坦言有留意年紀相若的男士，問到有否「睇中」？她笑說：「冇喎！見華人多過見外籍人士。（失望？）少少啦！」至於此行的最難忘經歷？Jessica說：「去到即刻病，搞到綵排時勁流鼻水，好彩騷前食咗粒藥，即刻收晒鼻水同冇喉嚨痛，仲開到聲添！不過完騷食完飯即刻返番晒嚟，但今次個騷係一個好寶貴嘅經驗！」

難得重臨溫哥華，Jessica當然要好好欣賞優美的風景。

Jessica興奮地在Granville Island的橋上奔跑。