李亞男爆胸祖藍得個睇字
藝人李亞男前晚為《積家錶》酒會擔任司儀，罕有露出3吋事業線，她笑言男友王祖藍沒有禁止她性感出騷：「佢鍾意我着得靚，大方就OK。（平時同祖藍去街都性感？）唔會！平時好Casual，着T恤短褲，因為我好男仔頭，怕大動作會走光。」談到男友因此而失去視覺享受，她即尷尬地笑說：「唔需要日日享受，我出活動時Send番張相畀佢，佢就好滿足。」她透露活動結束後，要立即趕返電視城開工：「我拍完《仁心解碼2》之後會接住拍《巨輪》。」她大呼十分期待在《巨輪》跟老友鍾嘉欣合作：「不過我哋都要逼住大家唔好講咁多英文。」
