張繼聰拒為錢濫接Job
承接上張專輯，張繼聰的新碟《We are the one》，主題探討大愛世界，他希望每張碟都帶出訊息：「我唔係有救世主心態，我嘅生活比上不足，比下有餘，錢永遠搵唔夠，但唔覺得生活快樂建築喺物質或金錢上，今日有啲工作我唔會做，或者有啲錢賺唔到。」正如其新歌《超級隊長》，他覺得每個人生命裏，自己都是超級隊長，可解決生活上問題，最重要清楚自己所想及需要，這樣才懂得大愛，令世界和平。
今次大碟是阿聰首次做監製，由08年做父親開始，生活上的經歷令他對世界的看法截然不同：「以前會為前途、名利去爭取，有患得患失嘅心態，亦考慮多啲巿場需要。但今日音樂對我嚟講變得簡單，唔會抗拒商業巿場，但如果我要純為商業角度出發去做一張碟，我好難有新意念。」作為創作人的他覺得不能抹掉自己：「多謝唱片公司畀我做自己想做嘅音樂。」
張繼聰拒為迎合商業市場而出碟。