遭蔚雨芯指控 羅仲謙：唔係事實

被歌手蔚雨芯指當年曾問她是否處女的羅仲謙昨日開工拍劇，他說：「唔係事實嘅嘢唔需要講太多，做得呢行就食得鹹魚抵得渴！（對方博宣傳？）我唔知！我都係專心做自己嘢！（呢件事楊怡信你？）咁你要問番佢！」

而緋聞男女羅仲謙與黃智雯，在剛播畢的劇集《巴不得媽媽…》中，演繹一段富家子與泥水妹的愛情故事。雖已五度合作，但阿謙對這位老拍檔未感厭倦：「記得拍《搜下留情》時智雯好傻氣，雖然中間大家拍咗其他嘢，但見到佢嘅轉變，所以即使再拍都有新鮮感。（點睇你同佢嘅關係？）單獨問我就答你係姊妹，默契係隨時間培養，會知對方底線。」智雯笑說：「有時你太過分，我會叫你唔好踩界囉！」她更指觀眾喜歡這對組合，但為免大家睇到厭，認為應暫作分離，望日後上演仇人記作「復合」之作。

對於劇集成大眾討論話題，問到會否對台慶攞獎加強信心？智雯笑說：「梗係會，因為套劇始終係小品，冇諗過出街後咁多人講，所以如果同呢套劇演員一齊攞獎，就喜上加喜！」阿謙則說：「獎梗係想攞。（男配定飛躍？）飛躍啦！男配諗吓就好！」