Mr.喚醒80後反思

樂團Mr.新歌《What Are We Fighting For》向樂迷探討人生目標和生存意義，歌曲創作到MV拍攝一腳踢，希望透過音樂引起大家對自己的反思。

樂隊Mr.剛推出全新主打歌《What Are We Fighting For》，除繼續充滿爆炸力的搖滾音樂風格外，歌曲主題亦向樂迷探討更深層意義，正如主音Alan所說：「究竟人生存係為咩嘢而奮鬥，呢個係好大題目，由3歲到80歲都會有唔同答案，但我哋唔係要你畀答案我，只係想大家可以認真諗一諗。」

搵小朋友獻聲

隊員眼見近年社會上有很多遊行和集會，大家各自為不同訴求上街，但他們同樣發現一個有趣現象，並以早前的反國民教育集會為例：「見到好多讀緊書嘅小朋友，同佢哋傾偈發現到雖然年紀輕輕，但思路清晰，目標明確、好有主見。」相比大多數只顧吃喝玩樂的80後，明顯在這方面出現斷層，故希望透過歌聲，喚起大家對自身目標的追求。

創作歌曲時特地找來一班小朋友在副歌獻聲，主音Alan稱此舉除想配合歌曲概念外，亦想向他們其中一隊最喜愛的神級樂隊「Pink Floyd」致敬。他們又親自操刀拍攝MV，在MV中他們走訪大街小巷，訪問不同市民的人生目標，成員Dash說：「今次所有嘢都係我哋一腳踢，希望可以畀樂迷感受到我哋嘅誠意。」

新歌會收錄於籌備經年的新專輯《What Are We》，定於11月面世，為配合明年初的演唱會，新碟會以快歌為主。以往每有新作推出，不論歌曲至唱片封面都會惹來抄襲的指控，Dash坦言已不會再放在心上：「我哋只會專心做好自己音樂，其他嘢我哋唔會理，亦影響唔到我哋。」