避談與黎明婚變傳聞 樂基兒：叫我咩都得

近日屢傳跟黎明（Leon）離婚的名模樂基兒（Gaile），昨晚與周杰倫女友昆凌一同出席活動，被傳媒包圍的Gaile主動答謝大家關心，並指最近的報道不太真實。問到是否澄清離婚傳聞？她說：「八卦雜誌嘅嘢我唔會答，因為唔係真。（同黎生感情點？）我唔會答，今日嚟做嘢！我入咗行咁多年，都成日有呢啲事發生，我同Leon都接受到，但唔關事嘅人就唔好騷擾到佢哋。（有人問過你媽咪？）媽咪住喺外國，唔慣接觸記者，唔想煩到屋企人。（可唔可以叫你做黎太？）你叫我咩都得。」並否認有第三者，又承認在Leon知情下，與前男友吳承浚投資。而昆凌被問到跟天王拍拖可有壓力？她說：「開頭有，但都要面對。」

Gaile笑容滿面舉起勝利手勢，完全沒受婚變傳聞影響。