吳綺莉昨日出席活動時，被問到女兒有否追求者？她說：「佢冇同我提過，加上佢性格比較男仔頭，應該冇咁細個開始拍拖。」問到會否擔心女兒的性取向？她即將事件連繫到趙式芝的同性婚姻遭父親趙世曾否定，並出五億招婿一事：「不如佢出五千萬畀大家幫佢手搵，到真係搵到先畀五億個女婿。」她坦言思想開通，不會介意同性戀：「同搵到一個唔好嘅老公比，搵到一個錫自己嘅女人好啲！（自己會唔會變性取向？）咁驚？不過好難講，如果有人對我好到不得了，人去到某個年紀，最重要係要搵到個伴，細個先會想要轟烈嘅愛情。」
思想Open的吳綺莉，坦言不介意同性戀。
