趙世曾拗直式芝轟動國際

卓能（集團）主席趙世曾因不認同女兒趙式芝（GiGi）的同性婚姻，故揚言出價五億港元招婿。此事連外國網站CNN及外國報章都有報道，英國《每日郵報》指趙世曾想找男人「拗直」女兒！

趙世曾不肯承認GiGi與楊如芯的同性婚姻，更不介意豪花五億港元招婿。事件經香港報章報道後，即備受關注。CNN及多個外國商業網頁昨日均轉載此新聞，更指趙世曾願出五億給追求他女兒的男子作花紅，更不介意對方的家境。而英國《每日郵報》寫明趙世曾欲找男人「拗直」女兒！本報致電趙世曾，他坦言有很多外國傳媒要求訪問他，但他一一拒絕並透露收到逾一百封電郵及信應徵：「都係外國人多，但我未得閒睇，『擸』過吓咋，同GiGi再傾吓先。（佢哋條件好？）未睇清楚，自己好忙。（搵人幫手篩選？）呢啲嘢要自己睇番。（游說GiGi接受？）唔使游說，我問過，佢鍾意，啱就會見面。」至於選婿條件，他要求對方是中國人、年紀比GiGi大，不用很有錢，但最重要是GiGi喜歡他。

「同女仔點可以結婚」

對於招婿反應熱烈，會否認為是因為獎金吸引所致？趙世曾說：「唔係！啲人覺得有機會同我個女做朋友，好開心啫，有啲仲講明唔要錢！」他又稱自己出五億，是希望讓未來女婿自由發展，讓他有更好的前途，與GiGi一同生活。至於他身邊的女伴如雲，卻不讓女兒與同性結婚，會否有不公平之嫌？趙世曾說：「我冇話唔畀佢結婚呀，我係幫佢搵人同佢結婚，同女仔點可以結婚啫？唔可能o架！唔合法o架！（因為宗教信仰？）唔關事。」

另外，GiGi接受電話訪問時說：「好煩，接咗好多不明來歷嘅信、Facebook邀請、Email等，收咗超過一千五百封。就算我想搵番有關工作嘅Email都有困難，拖慢晒工作進度。」她坦言早料到父親高調招婿會為她帶來諸多不便，故不希望父親為她找男友。問到若父親為她安排飯局，她會否出席？她說：「到時先算啦！」記者致電其母姚煒，她忟憎地說：「我唔再回應啦！我講嘅嘢，傳媒都斷章取義，搞到我哋（家人）關係唔好。」而楊如芯未有回應。