黎淑賢唔Check老公
亞姐黎淑賢昨日出席《港九藥房總商會有限公司「信心保證」》記者會，對於有傳丈夫與女友人關係密切，令她帶子搬離寓所，她說：「其實只係好普通嘅西方禮儀，我同熟嘅男性朋友都會Goodbye Kiss，依家兩邊都交十幾萬租。（上丈夫診所踩場？）我係阿太上去做美容，幾十個員工戴晒口罩，我都唔認得佢哋，我百分百信任老公。其實每個人都有私人空間，有時出街食飯飲咗啲酒放鬆一下都唔介意。（查丈夫手提電話？）蠢女人先會咁做。」同場的黎燕珊表示有機會甄選今屆亞姐，會注重佳麗的學歷和內涵，亦會嚴打疑似整容佳麗。
