傍實大肚盈盈晒恩愛嘉樂代妻還債
與佘詩曼齊齊錄影節目《皆大歡喜之溏心風暴》的錢嘉樂與湯盈盈，前晚以夫妻檔上陣！雖然盈盈腹大便便，但貪靚的她仍以露背裝及斗零踭上陣，愛妻的嘉樂全晚對盈盈愛護有加，一直傍實。盈盈雖然懷有身孕，仍然繼續開工，她表示尚有幾場戲要拍，完成後才能休息，身旁的嘉樂即體貼地說：「唔好做咁多，要休息吓！」由於盈盈過往在好友婚禮上例必將新人玩到落花流水，一班姊妹早已揚言要嘉樂妻債夫還，嘉樂對此表示冇有怕：「冇所謂！呢啲開心嘢。」盈盈亦護郎心切，她說：「婚宴唔玩啦！接新娘玩少少。」此外，嘉樂早前在遊戲節目上得到兩張機票，他透露會留待BB出世後才全家享用。
同場的梁靖琪被問到在海南島與吳卓羲戲水照曝光後，可有影響夫妻關係，她說：「老公冇嘢、冇唔開心，我反而唔開心，覺得受到傷害，作為公眾人物以後會小心啲！」
大肚盈盈貪靚着斗零踭兼露背上陣，嘉樂傍到實！
提到婚禮玩新人，阿佘及梁靖琪即時起哄，連盈盈及嘉樂都笑埋一份。