城城贏廿萬回本

郭富城（城城）愛駒「愛的呼喚」首次出賽即旗開得勝，他昨日出席活動時興奮地表示愛駒為他贏得30多萬元獎金，回本在望，果然夠眼光。

周杰倫緋聞女友昆凌昨日與城城出席LONGINES活動，日前拉頭馬的城城風騷不已，提起愛駒即滔滔不絕：「佢本身係第四班，評分係52分，依家馬會加咗佢10分，升為第三班。」又指愛駒為他贏得30多萬元獎金：「其中三成分畀馬房，七成歸馬主，我淨袋廿幾萬。（點用啲獎金？）可以Cover番成本。（獎勵愛駒？）買紅蘿蔔同薄荷糖畀佢食！」

否認落重注

城城否認對愛駒落重注，對於女友熊黛林（Lynn）特地捧場，他說：「每個人都支持。（送情侶錶？）打算買隻畀媽咪。（唔怕有人呷醋？）唔會。（送錶畀佢媽媽？）冇諗到咁遠。」至於昆凌被問到周杰倫有否送上手錶時說：「送一句『生日快樂』就很好。（去旅行？）他在拍戲，太忙。」此外，城城主演的電影《浮城》，原定下月於《第25屆東京電影節》上映，昨日突然宣布取消，但有關方面否認跟釣魚島事件有關。

另一邊廂，跟城城一樣熱愛跑車的好友張智霖（Chilam），前晚駕駛價值350萬元的新款跑車到中環拍劇，座駕於街頭淋雨數小時，Chilam收工後由工作人員撐傘送往取車。