劉珮琳拒做空心花瓶

模特兒是一份靠樣靠身材搵食的工作，但外表和蕭亞軒有幾分相似的模特兒劉珮琳（Karena）希望除外在美吸引觀眾外，更能以內在美打動人心，故堅拒做空心花瓶，但亦不排除為慈善而作大膽嘗試！

入行逾3年的模特兒劉珮琳（Karena），雖然靠樣貌搵食，但她深知不會青春常駐，故努力進修，希望向觀眾展示內在的一面：「我除咗做Model，都有Keep住讀書，因為我唔想自己淨係得個殼，想學多啲嘢，增值吓，令個人更有學識之餘又可以同唔同圈子嘅人溝通。」重視內涵的她堅拒整容：「隆胸、削面嗰啲我絕對唔會做！」

衝出吸客第一步

對於現時o靚模界的露肉風氣，她認為可能是表達方式的問題，但亦坦言不抗拒露肉：「模用身材吸引人注意可能係第一步，但呢啲唔可以持久，露肉吸引人的確係快啲嘅方法，不過之後始終要增值，要有內涵，至於我會唔會咁做（拍性感寫真）就好難講，始終今日唔知聽日事，如果係為慈善而拍我接受到。」

樣貌娟好加上身材出眾，自然吸引狂蜂浪蝶，但自稱單身的Karena表示未有追求者，不過會小心交友：「如果有富二代想識我，做朋友係OK嘅，但我自己有底線，平時聯誼社交好平常，但如果有陌生人請我飲嘢我唔會亂飲。而且我好少去蒲，一個月只會去兩、三次。」自言保守的她亦憧憬結婚生仔：「我覺得結婚生仔係人生嘅一部分，不過依家我想先專注事業。」

Profile

姓名：劉珮琳（Karena）

生日：1月20日

三圍：33C、24、34

簡歷：曾客串電影《爛賭夫鬥爛賭妻》