婷婷約滿變搶手貨
謝婷婷於本月中旬與王晶的經理人合約屆滿，王晶曾作挽留但不成功。吸金力強的婷婷成為不少經理人公司力斟的對象，當中英皇亦有意斟洽。若然成事，婷婷將跟哥哥霆鋒同屬英皇旗下。談到婷婷是否已正式約滿，王晶承認：「婷婷確實約滿咗，佢想自己做吓。原本佢話簽我內地經理人合約，但我未搞，如果佢有好嘅發展，我當然開心。」而英皇高層霍汶希（Mani）說：「我哋對於所有有潛質嘅藝人都有興趣。」
婷婷昨日偕劉心悠及薛凱琪（Fiona）出席活動時，笑言男友安志杰喜歡她皮光肉滑，曾於家中洗澡後被對方用護膚膏塗腳，問到有沒有下文，婷婷尷尬地說：「冇嘢喎！因為我好攰。（幫你搽腳都冇獎？）佢去咗打機。（打咩機？）電腦個啲機，乜你哋咁核突o架？我咁純。」至於心悠則透露對活動酬勞相當滿意。
吸金力強的婷婷回復自由身，吸引不少經理人公司垂青。
Fiona（左）跟心悠齊齊穿白色裙，感覺好Fresh！