趙式芝新娘照曝光

趙世曾女兒趙式芝（GiGi）與波爾錶太子女楊如芯（Sean）上星期四自爆已於四月在法國結婚，除在教堂行婚禮外，還有拍婚紗照。本報在GiGi的Zizi Workshop早前舉行的畫展特刊上，發現她的簡介相片，此張黑白照片，GiGi經悉心打扮，據知正是她的新娘造型，她坐在房車上，正出發到教堂行禮。

另一邊廂，式芝父親趙世曾昨午再強調女兒沒有結婚，冇同性戀傾向，還指她沒有追求者：「都會幫佢同支持佢發展，金錢上都會，唔理香港、內地或外國男士。（如果將來同Sean一齊呢？）相信個女大個，呢個唔係最終目的。」

其後記者致電GiGi，對於爹哋指她沒有同性戀傾向？她說：「畀佢慢慢去思考。（如果因事件唔分身家畀你，你介唔介意？）呢樣都唔係我決定，會支持爹哋覺得值得分嘅人。我好錫我嘅父母，亦尊重佢哋，但亦愛我嘅另一半，同我嘅生活，事實真相已好清楚。（被夾喺中間，係咪好辛苦？）唔會，好幸福，大家都咁着緊我。」而Sean在電話中說：「我哋尊重老人家，唔想多講。」