嘉玲愛照顧偉仔畀Like
影后劉嘉玲與顧紀筠昨日到海港城出席畫家岳敏君的畫展開幕，提到他的作品《處決》年前創下中國當代藝術拍賣的最高紀錄，嘉玲表示很驕傲中國有富創意的畫家。她又透露近年與丈夫梁朝偉開始收藏藝術品，漸漸「Big爆」屋企：「我比較多字畫同雕塑，佢就收藏古董同字，我哋愈買愈大件，開始唔夠地方擺。（最貴係邊樣？）有部分係無價，好似大寶法王送畀我嘅字畫。」對於偉仔早前受訪時自爆經常被嘉玲照顧，她笑言很正常，在家中也常被老公稱讚：「當你對一個人有感覺就會咁做，女仔天性有母愛，我打理到自己，仲好鍾意照顧身邊人！」
提到好友曾志偉拒接受日本頒發勳章而被日本人鬧小器，嘉玲認為應從不同角度看事件：「大家都係愛國，希望都有胸襟接受對方文化，其實藝術同政治應該冇關係。」
劉嘉玲愛上收藏藝術品，部分更是無價寶！
顧紀筠輕裝打扮出席畫展開幕。