趙世曾發聲明冇嫁女

富商趙世曾長女趙式芝日前高調宣布「下嫁」波爾錶太子女楊如芯，令趙世曾大為震驚，連聲表示「冇可能」！向來言行出位的他昨日行動升級，主動向傳媒發聲明，指女兒並未與任何人結婚，並坦言「唔糾正就唔開心」，一手推翻女兒的婚訊！

卓能（集團）主席趙世曾女兒趙式芝與鐘錶太子女楊如芯（Sean），日前在北京自爆已於4月在法國結婚，震驚Ball場！雖然二人的「婚事」獲得不少祝福，但趙世曾卻未能接受，多番強調「冇可能」及「冇咁嘅事」，堅稱女兒沒有結婚！

據知情人士透露，趙世曾對女兒宣布「婚訊」感到極沒面子，身為上海人的他一向有頭有面，名譽比任何事重要，故接受不到女兒是同性戀者兼高調宣布婚訊，更拒絕接受Sean，即使女兒與Sean已公開關係，他仍要女兒多認識男生。

強調糾正「誤傳」

向來言行出位的趙世曾昨日將行動「升級」，向傳媒發聲明否定女兒的婚訊：「貴報在二零一二年九月二十二日娛樂新聞關於本人女兒趙式芝已結婚之傳聞，現本人作出更正趙式芝並未與任何人結婚。」記者昨日致電趙世曾，問到為何發聲明，他說：「有啲誤傳出咗嚟，我要糾正番！（同趙式芝講過？）同佢傾過，佢話冇咁嘅事，佢返咗嚟，同佢傾過佢話冇呀！有啲誤傳！尋日佢同我講，或者有啲係誤傳。」

問到女兒會否再親自交代，趙世曾說：「佢話冇咁嘅事，唔使做啲乜，但唔知佢。（佢知唔知你出聲明？）佢知我出聲明。」至於有否與趙式芝母親姚煒聯絡，他說：「冇。（你會再有咩行動？）冇乜其他要求。（你同趙式芝傾嗰陣，佢有冇唔開心？）冇唔開心。（你有冇為佢宣布結婚而唔開心？）我冇唔開心，唔糾正就唔開心，唔糾正唔好，自從趙式芝講結婚後，太多人打電話畀我。（電話煩到你？）今日未有。」

與分身家無關

問到「婚事」是否影響到他的公司，趙世曾說：「冇咁嘅事，登出嚟應該澄清。」問到若女兒不聽話，將來是否不獲分身家，他說：「同分身家冇關係，唔好扯咁遠！（有冇立平安紙？）一定有準備，唔準備係唔負責任，但每年都會更新內容一次。（邊個仔女聽話就有得分？）內容唔可以隨便同人講。」