林峯日前被拍得與緋聞女友吳千語晚膳，昨日他宣傳新劇時說：「嗰晚係慶功。（唔使避忌？）電影活動唔使避忌。」而吳千語偕電影《男人如衣服》中的「媽咪」毛舜筠（毛毛）宣傳時，毛毛笑言亦曾追問緋聞真偽：「但佢兩個都冇答我！」問到是否滿意這個「哎吔女婿」，她說：「幾好吖！夠Chok嘛！過兩日成班去內地宣傳，我再了解吓佢哋係咪拍拖！」不過吳千語繼續否認：「嗰日成班人消夜，阿媽（毛毛）都喺度！我仲細，阿媽話拍多幾次拖冇所謂，仲話介紹男仔畀我識。我好有主見，要搵個就得我嘅男友。」
林峯用槍指頭，有教壞細路之嫌！
