古明華自創「蘇基Style」
韓國歌手Psy的歌曲《江南Style》熱爆全球，同樣人氣爆燈的「蘇基」古明華亦湊熱鬧，在觀塘公園大跳《江》曲的騎呢舞，更自創「蘇基版江南Style」，並擺出芭蕾舞及游泳甫士，非常搞笑！他大讚Psy有才華：「佢好聰明，雖然動作唔係好複雜，但隻歌令到隻舞好有自己風格！」其後他踩落街市買餸時引起騷動，街坊爭相合照並高呼：「蘇基呀！」當他被龍蝦刺傷手流血時，師奶們即緊張地上前呵番，有影迷更送上水蜜桃，可見他已成為新一代「師奶殺手」！
古明華興起大跳《江南Style》中的騎呢舞，似模似樣。
古明華自創的「蘇基版江南Style」夠晒Fun！
最近Hit爆的古明華，買餸時被重重包圍。