婷婷午夜唔講「鬼」

謝婷婷與女子組合Super Girls昨日出席萬聖節活動，婷婷被現場扮鬼的模特兒嚇窒，她其後扮成低胸貓女俯身為小朋友化妝，不慎露出超長事業線。

婷婷坦言自小已怕鬼，晚上12時便不會講「鬼」字，但卻喜歡看鬼片，笑言又驚又要睇：「我睇完可以驚到兩晚瞓唔着，仲會叫阿姨陪我去廁所。我媽咪都好驚睇鬼片，佢試過有人用500蚊同佢打賭，睇佢敢唔敢睇鬼片，最後媽咪瞇埋眼睇完全套鬼片，贏咗500蚊。」婷婷慶幸從未遇過鬼怪事，又表示萬聖節要到台灣工作，故未能跟姪兒Lucas及Quintus慶祝。

化身貓女的婷婷相當冶艷。

婷婷俯身為小朋友化妝，不慎露出事業線。