吳浩康讚「好兄弟」：佢好講義氣！

吳浩康（Deep）與Yumiko相識10多年兼曾傳緋聞，大讚她是義氣仔女：「我入行前已經識佢，係朋友介紹，當年我好記得我第二次參加新秀，佢幫我攞表格鼓勵我再參加。（佢為人？）好講義氣，啱啱識佢同依家有好大分別，以前佢好易發脾氣，依家EQ好好。記得有一年生日，我心情麻麻，佢特登走出嚟買蛋糕陪我慶祝，好感動！」他謂每次「出事」，Yumiko的回應都令他窩心。

對於曾與Yumiko爆緋聞，Deep說：「因為嗰時我哋成日『情侶檔』演出，依家反而似『兄弟』，佢令我睇到男女之間真係可以有純友誼關係！佢永遠係我最信任嘅一個朋友。（佢結婚？）恭喜同祝福佢，之前佢受傷我都有慰問佢。（佢叫你減肥？）努力緊呀！」

吳浩康與Yumiko情同「兄弟」，大讚她是義氣仔女！