關心妍夫妻冇晒激情

關心妍前晚開騷時穿透視裝露腿，大冧撐場的老公，更情深款款地望着老公大講愛的宣言：「佢就係一切，其他只係陪襯品！」甜到漏！

前晚以一身透視Look在九展舉行音樂會的關心妍（Jade），隱約透出白Bra及美腿。由於老公楊長智到場支持，她自言不敢露事業線：「老公喺度，唔可以去到咁激，要着得莊重啲！」

唔敢車震

音樂會以「失戀」為主題，Jade除了大唱失戀金曲外，更罕有地自摸頸胸跳舞。期間她更連環發表愛的宣言，對着老公大講甜言蜜語：「好多人話為咗一棵樹而放棄一片森林，但我覺得佢就係一切，其他都只係陪襯品！」她又「晒命」自詡嫁得好：「我雖然喺單親家庭長大，曾經唔相信愛情嘅我，今日都嫁得好好！」

Jade完騷後受訪，問到可有慰問日前復工的關淑怡？她說：「佢有SMS我報平安，知道佢冇事放心晒，我會約佢食生日飯！」提到有藝人被指「車震」，她指與老公激情不再：「我同佢拍拖時唔敢喺車度親熱，依家結咗婚咁耐，咩激情都冇晒！」