曾志偉的細仔曾國猷前晚與女友張可蕙在尖沙咀的酒店拉埋天窗，作為主人家的志偉親自招呼多位圈中好友，包括「校長」譚詠麟、「阿叻」陳百祥、張學友、佘詩曼、洪天明及老婆周家蔚、關寶慧、姚樂怡及甘國亮等，梁靖琪（Toby）亦在影大合照時攬實志偉。而上月才誕下囡囡Jaime的文頌嫻，剛坐完月即到賀，又在微博留言：「好耐冇出街玩喇！」