身穿火紅色低胸裙的呂慧儀與馬德鐘昨日出席《百年鐘表珍藏展》，大騷三吋事業線的呂慧儀否認成為人妻後大解放：「今日尺度都OK，要間唔中騷吓啲優點。」她透露有份拍攝無綫明年的月曆：「我係人妻，公司應該唔會叫我着泳衣。」
馬德鐘則頗擔心近日的反日熱潮：「一直喺上海拍劇，耐唔耐就有防空演習。（罷買日貨？）好難，都好鍾意食日本嘢，但少食咗。」問到吳卓羲及梁靖琪被指於三亞拍外景態度親密一事，馬德鐘說：「佢哋好熟，可能拍得辛苦，見到有泳池所以好開心。」
呂慧儀與馬德鐘大談買錶心得。
