黃婉曼昨日與梁榮忠及王賢誌等，在海洋公園出席now觀星台1周年活動。送上杧果蛋糕的黃婉曼，親自煮餸慰勞同事，她說：「高層何麗全都想留低食，但我叫佢返屋企，怕佢老婆嬲呀！（男友鍾意食咩？）和牛！幾好，夠簡單！」
此外，談及中日因釣魚島主權問題而關係緊張，黃婉曼表示父母深圳寓所附近的居民反日情緒高漲，令她頗擔心，只好勸父母減少外出：「我有假期都冇返去，因為司機開日本車，真係有家歸不得！」
黃婉曼煮幾味慰勞同事，非常有心。
黃婉曼、梁榮忠、王賢誌及何麗全等，舉杯慶祝觀星台一周年。
