周家蔚挺肚犯險

婚後極速報喜的周家蔚，日前挺着5個多月大肚子，陪即將下嫁「晨曦」班主富二代周志豪的好姊妹鄭嘉雯試婚紗。雖然腹大便便，但家蔚不惜冒險，彎低腰為好姊妹整理裙襬，認真唔話得！

即將出閣的2006年落選港姐鄭嘉雯（Karman），日前偕未婚夫周志豪試婚紗，新婚不久便懷孕的好友周家蔚亦陪伴給予意見。Karman的未婚夫周志豪大有來頭，父親周文亮是本地球會「晨曦體育會」會長，家底豐厚。

醫肚補番數

三人先到尖沙咀As Bride婚紗店試衫，Karman換上Low Cut婚紗後盡騷「事業線」，其後試穿Deep V晚裝時，未婚夫主動為她整理胸前的蝴蝶結，非常體貼！情到濃時，一對準新人當家蔚透明，在店內甜蜜親吻，又對鏡擺甫士，似練習拍婚照的動作。不過，「電燈膽」家蔚未有介意，即使懷孕5個月仍彎腰為準新娘整理裙襬，而Karman亦不時摸她的大肚子，希望沾上喜氣，盡快為周家繼後香燈！

Karman與家蔚屬同屆港姐，加上同樣來自加拿大，故特別投契。今次找來家蔚「幫眼」，Karman當然不會虧待好友，明知大肚婆唔餓得，試完婚紗即到附近餐廳醫肚。減了十幾磅的Karman全程忍口，只喝不吃，而家蔚則食得非常開懷。

Karman事後接受電話訪問，她透露將於12月5日與拍拖逾4年的周志豪擺酒結婚，好友周家蔚及姚子羚等擔任姊妹，而與明星足球隊隊員十分老友的未婚夫，則邀得洪天明及吳家樂等做兄弟，她說：「其實我同湯盈盈好Friend，但佢11月結婚，我就12月，相隔唔夠1個月，依傳統習俗係相沖，所以我哋去唔到對方嘅婚禮，有啲美中不足。」她與未婚夫將往俄羅斯拍婚照，而蜜月則在澳洲。

此外，家蔚昨日在微博公開胎兒的立體超聲波影像，並留言：「像我還是像爸爸？」網友都覺得BB較像爸爸洪天明。