自從跟四大唱片公司鬧出版稅風波後，無綫近年轉搵旗下「親生仔」如林峯、鍾嘉欣、胡杏兒及吳卓羲等一條龍唱埋劇集主題曲，已甚少搵「外援」出Sing，但無綫戲劇製作總監曾勵珍今次欽點關淑怡（Shirley）「出關」，主唱由黎耀祥及米雪孭飛的台慶劇《大太監》主題曲，可算破晒例，亦見Shirley地位超然！其實早於2008年，Shirley亦曾為重頭劇《珠光寶氣》唱主題曲《鑽禧》，並找來趙增熹作曲及林夕填詞，班底強勁！
由陳茵媺（左起）、邵美琪、黎耀祥及米雪主演的《大太監》乃今年台慶劇。 （資料圖片）
