神獸Kathy被Ron電暈

神獸天使馮秀華（Kathy）最近踩入公仔箱，已有數年冇拍拖的她想靠拍劇過戀愛癮，並最希望與吳卓羲（Ron）談情，但只限於拖手仔的浪漫情節，因不想與對方傳緋聞。

擔任神獸天使「心思獅」的模特兒馮秀華（Kathy）外形冷艷，但其實十分玩得及有表演欲，最近她開始客串無綫劇集，問到最想演出甚麼角色？已有數年冇拍拖的她笑言，想在劇中找個男友，滿足談戀愛的心態：「我近年好鍾意睇愛情片，所以想親身演繹一啲愛情故事。」至於希望跟哪位小生談情？她首選緋聞多多的吳卓羲，並不怕對方形象花弗：「覺得佢靚仔，對眼都有電力，殺到唔少女仔！不過都係做戲啫！最好唔好傳緋聞，我都未必係佢鍾意嗰Type啦！哈哈！（接受到床戲？）驚太激做得唔靚、唔自然，拖住手先，暫時未必會去到咁盡。」

Kathy直言初入行時有點心急，但現在不介意由小角色開始做起，每次等埋位時亦會觀察前輩如何演出。雖然她沒有加入藝員訓練班，但對演技頗有信心：「有做開Model，每次Casting同拍廣告都係演戲嘅一種，都叫有啲經驗。」

唔Like壞男孩

有說「男人不壞，女人不愛」，但Kathy較喜歡斯斯文文的乖仔：「我鍾意男仔唔貪玩，寧願佢唔出聲，因為我比較多嘢講，外形要係乖仔樣，唔鍾意壞男孩嗰類。」單身的她表示間中亦會跟友人夜蒲，但一旦拍拖便會「修心養性」：「依家單身先會同Friend玩，我係黐身女友，成日要陪住男友，都驚自己太煩！哈哈！」

Profile

姓名：馮秀華（Kathy）

年齡：24歲

三圍：31B、24、32

簡歷︰兩年前簽約模特兒公司，曾拍攝化妝品廣告，今年在遊戲節目《五覺大戰》中擔任神獸天使「心思獅」，被指氣質與舒淇相似。