苟芸慧香香博中八千萬

今晚開彩的六合彩金多寶彩金高達8千萬元，全城引頸以待，多位藝人都會投注博一鋪！華姐苟芸慧和岑麗香均表示會以出生日期作自選號碼，兩大宅男女神「撞橋」又自爆年齡！

今晚六合彩金多寶彩池高達8,000萬元，不少圈中人紛紛落注望一夜致富，苟芸慧、岑麗香、羅仲謙和吳卓羲均以出生年月日作號碼組合，更不慎自爆年齡！苟姑娘說：「我生日係1983年7月11日，所以會揀7、11同38！再加啲有感覺嘅號碼，中獎會畀媽咪處理，或者買樓同屋企人住。」香香則說：「我生日係1984年11月17日，會用呢啲數字做組合，加上我選美兩次嘅號碼7同19，再臨場憑靈感揀號碼。」兩位宅男女神的揀號碼方法竟一模一樣，果然巧合！

楊思琦中獎行善

至於小生方面，吳卓羲透露媽咪向來是六合彩擁躉，因此一定會投注：「我生日係1979年9月2日，都會用呢啲號碼，中頭獎會立即買樓，之後再買車，但唔會買太貴。」羅仲謙透露生日是1984年8月28日：「主要會揀2同8，我知好多人買8號，多人中咪與眾同樂囉！中獎我會買樓同做善事。」

人母楊思琦則表示幸運號碼是7，若中獎必會行善；馬德鐘則會揀32號，中獎會投資及買樓。而印度人喬寶寶對於同鄉阿星去年中頭獎，他表示恭喜，但笑言向來沒有賭運。此外，喬寶寶昨日以懷舊女傭打扮出席《喬寶寶棟篤笑之我係香港人？！》記者會，並放了兩個橙在胸前，並擺出雙手托胸等多個扮AV女優的動作。喬寶寶透露棟篤笑內容將提及早前其印度籍太太申請特區護照但遭駁回一事：「我哋一家決定明年9月返蘇格蘭由頭開始。」