周慧敏遇公安戒備唔驚
昨日玉女掌門人周慧敏（Vivian）到廣州為《Journey Of Love世界巡迴演唱會》舉行發布會，她表示下月到廣州舉行演唱會第一站，仍未決定隨後幾站的地點。問到會否怕遇上反日浪潮？她說：「上去廣州時見到四百個公安喺度戒備緊，老公都有SMS我叫我小心啲，不過我唔擔心，將一切交畀神。」她又透露歌衫會帶點健康性感，因為一直擔任身體年青中心代言人，最滿意腰臀比例，一直保持24吋纖腰！對於關淑怡日前已在微博報平安，她表示已SMS慰問對方：「知道佢依家係開心、平安！呢件事令佢知道有好多人愛佢，係好Warm嘅一件事，佢下年2月個演唱會我都可以到後台照顧佢o架！」
另外，剛在上海開騷的譚詠麟（阿倫），見到上海進行防空演習感心寒，呼籲各人情緒不要太激動，應該一條心對外。問到可會罷買日貨？他說：「如果佢（即日本）唔肯悔改都會！（開騷避唱日文改編歌？）歌迷鍾意聽冇理由唔唱。」
周慧敏拍廣告，低胸上陣大騷豐滿上圍及小蠻腰。
阿倫呼籲大家情緒不要太激動，要一致對外。
周慧敏與林建名到廣州舉行發布會。