婉婉攬啜男友 孫耀威冇眼睇
孫耀威（Eric）前晚撇下女友陳美詩，與好友車婉婉及其外籍男友等到中環狂歡。Eric負責付款落Order叫酒，初時他坐在一旁低頭玩電話，似向女友報告行蹤。婉婉見他如此苦悶，即上前撩他隊酒，其後婉婉轉身跟其他友人玩，Eric趁機又坐埋一邊篤電話。婉婉見狀再走到Eric身旁逗玩他的帽子，兩人拿着酒杯搭膊咬耳仔。
當晚婉婉情緒高漲，但未知她是否怕男友呷醋，於是急急返回男友身旁又攬又啜，再擒上其大髀，極為煙韌！冇眼睇的Eric，惟有與另一女友人繼續聊天，眾人玩至凌晨四時許才走人。
車婉婉（左）攬實男友煙韌，孫耀威則坐埋一邊甚為冇癮。
陪完男友，婉婉撩孫耀威吹水。