聞杜德偉擺酒 周汶錡激動：關我乜事
名模周汶錡（Kathy）與法國男友Julien Lepeu，將於本月29日在康城舉行豪華婚禮。昨日她出席活動時欣然接受楊思琦祝福，但當問及其婚禮時，她已起弶！再問到舊愛杜德偉11月在屯門擺酒時，她反應很大，未待問題問完，突然激動起來，令在場人愕然：「喺邊度擺酒又點，做乜問我，關我乜事？（你哋唔係朋友咩？佢有冇請你飲？）邊個話o架！（同杜德偉係朋友？）你話o架！」問到為何反應如此大？Kathy似突然醒覺，態度軟化：「我真係好大反應咩？好激咩？我求吓你哋放過我啦，唔好再問我啲咁嘅事。」
而楊思琦被問到其6個月大女兒因出席宴會曝光，更被指似吳帥，她說：「大大吓會變，第一次帶佢出去就唔小心曝咗光，警覺性低咗。」
楊思琦（右）不知周汶錡婚期，只知是開心事便恭喜對方。