家燕姐「鬆章」 錢嘉樂贏38萬獎金獎品

與湯盈盈爆出「雙喜臨門」的錢嘉樂，前晚錄影《環遊世界明星賽》最後一集，獲薛家燕、鍾嘉欣等嘉賓及觀眾「鬆章」，造就他贏走22萬獎金及16萬商務客位機票，嘉樂賽前說：「贏到梗開心，希望大家承讓。（知BB性別？）未知，上次照咁啱遮咗，盈盈話留番婚禮上開估，見黑森林蛋糕就係男，士多啤梨蛋糕就係女，佢好Funny！等我攞張機票同佢去環遊世界！」家燕則說：「嘉樂買多咗機票帶埋我去，我做你BB奶媽。」嘉樂昨日在電話中說：「大家讓我，我同林曉峰平分22萬獎金。商務機票就因為盈盈仲粗身大勢，出年生完，醫生話去得先去。」

談到曾合作的神獸劉蔚萱疑遭導演張永豪以非常手法教戲，嘉樂說：「冇慰問劉蔚萱，留番畀錢國偉做。我唔識張永豪，道歉咗、收咗警告信，算啦！」家燕姐則說：「張永豪做助導時合作多次，佢好緊張，我勸佢定啲，收起啲粗口。佢握手言和係好事，佢唔只對劉蔚萱道歉，佢係對好多人道歉。」