祖兒：大家先要冷靜 譚校長：槍口對外
身在上海的容祖兒及薛凱琪（Fiona），不約而同勸大家冷靜。忙於宣傳新碟的祖兒還要到廣州、武漢及安徽等地：「我見唔到混亂，都有留意新聞，有啲民眾情緒好激動，大家要先冷靜！」Fiona接受長途電話訪問時亦報平安：「做嘢同住嘅地方都冇混亂，我唔係太擔心自身安危，因為有啲同學喺上海做嘢，我哋都有約出嚟見面。」
由於今趟留在內地時間較長，故Fiona拍短片問候媽咪：「經理人照顧咗我多年，媽咪都好放心，而且我個人有分寸！」她坦言有留意新聞，令她十分心痛：「撇除政治，都唔想任何人有生命危險！」另一邊廂，剛於上海開騷返港的譚詠麟（譚校長）則留言，呼籲大家冷靜：「槍口對外上下一心！」
祖兒希望市民冷靜，萬事以和為貴。
譚詠麟剛於上海開騷，不忘關心時事。