Kary坐花轎出巡

歌手吳雨霏（Kary）被指不收分文義助有線，為外購劇唱主題曲，Kary昨日出席MV首播會，有線甚為重視，恍如王后出巡般，坐着由兩名俊男抬的大紅花轎進場，擺明剃無綫眼眉。

昨日Kary穿貼身裙出席有線外購劇《清宮奇女子˙甄嬛傳》MV首播會，坐着由兩名型男抬的大紅花轎進場，主持更高呼：「歡迎Kary加入有線大家庭！」可見Kary已與有線一家親。這次與有線合作被視為剃無綫眼眉，但Kary否認說：「梗係唔係啦！我同公司溝通過，依家係自由身，冇簽任何約。（驚唔驚無綫嬲？）無綫唔會咁小器。（話你不收分文喎！）唔係，公司講話有錢，但幾多就要問番，其實我唔係第一個公司歌手同其他台合作。」Kary更指自由身是好事，但仍寄望四大唱片與無綫的問題能早日解決！

林德信撐冇整容

另外，近日不斷有報道指Kary曾經整容，其緋聞男友林德信（Alex）昨日出席另一活動時亦力撐Kary，他說：「上個月先話佢整鼻，邊有時間整？」但Alex坦言覺得Kary愈來愈靚，但不相信對方整容。此外，有指Kary與正印男友「網球王子」洪立熙處於冷靜期，問Alex會否乘機追求Kary？他說：「鍾意嘅女仔唔使主動追，自然就會一齊。」