霍震霆升呢老爺嗌緊張

霍震霆每次出席活動都被追問兒子霍啟剛與郭晶晶於十一月十一日舉行的世紀婚禮，他每次都會帶記者遊花園或答非所問，但前晚終於開金口表示，第一次做老爺心情緊張！

前晚霍震霆出席英皇七十周年晚宴，表示與楊受成是數十年朋友，大讚對方成功，十分欣賞他：「佢係典型香港人，見證香港發展。佢公司發展嗰陣，咁啱係香港最困難。」他繼續力讚楊生努力，希望對方會送親筆簽名自傳《爭氣》給他！當他講得興奮之際，記者問他會否邀請楊生出席啟剛與郭晶晶的婚宴時，他不知所措，惟有尷尬地說：「佢係我朋友，都希望接受我邀請！」

啟山開心做伴郎

問到是否已為啟剛婚禮做禮服？霍震霆直言還沒有：「仲有兩個月，我都要快啲（指做禮服）！」語畢即轉移話題，自言香港好特殊，還感慨地說：「成班朋友幾十年！」記者再追問會否請朋友出席飲宴？他說：「嗰晚後生就開心，我都希望班朋友出席！」他稱第一次做老爺心情緊張。同場的啟山坦言會做哥哥伴郎，戥他開心。

另外，霍震霆偕啟剛昨晚出席酒會，一見記者在門外守候，即急步入場，沒有接受訪問。此外，積極籌備婚禮的啟剛早前發電郵通知親友預留十一月十一日出席他們的婚禮，日前再發出請帖，該請帖採用立體設計。