紅天明勁煲六合彩八千萬

全城瘋狂、史上最強六合彩中秋「金多寶」於周二開彩，洪天明最近密密拍戲搵奶粉錢，但仍專程返港買飛，借BB旺氣兼買紅底催運，博一注獨中八千萬！

即將榮升父母的洪天明與周家蔚，預產期為明年二月，天明近期密密工作搵銀，又返內地拍戲，但日前被發現撇甩老婆獨自現身北角，身穿紅Tee的他更購買紅色Boxer，舉止奇怪！其後，天明到附近投注站兜了一圈，一臉凝重地入內用自動售票機投注，最後買下一大疊自選號碼彩票，原來是對周二六合彩的8,000萬金多寶巨額彩金虎視眈眈，難怪着到紅噹噹！

贏咗投資買樓

離開時，他見站外有風車，順手轉了幾下望財源滾滾來。買完飛後，天明行經藥房時被奶粉堆所吸引，當見有孕婦與店員討論各牌子奶粉的優劣時更在旁偷師，看來是為未來BB的肚仔着想。

事後，天明接受電話訪問時透露，專程返港博贏八千萬金多寶，問到有否心水號碼，他說：「我同家蔚嘅生日組合，好似1、7、8、25呢幾個數字。（中咗點用筆彩金？）希望做投資，首先會買樓。」至於家蔚經常透過戶口買六合彩，但因今期有巨額獎金，故提醒老公返港多買幾注：「天明就做老竇，相信自己買會旺啲！真係中嘅話會一半買樓投資，一半畀BB同家人，成立書簿費基金！」天明似乎為免周一、二多人排隊買飛，特地提早到去年印度人阿星贏頭獎的馬寶道投注站，果然是深思熟慮！

對於天明買紅底催運「攻略」，堪輿學家李丞責表示此舉在民間具吉祥意味，但仍要配合面相，眼大、鼻大及後尾枕大的人橫財運較好，故鼻大的天明甚有機會。另一堪輿學家麥玲玲亦認同天明穿鮮色衫及紅底：「咁着會旺啲，加上佢最近有喜事會更旺。」