陳豪孖陳茵媺宣傳叫張可頤隱身撐新劇

藝員陳豪、陳茵媺、高海寧及黃德斌等昨日到將軍澳宣傳新劇《天梯》，大玩攀登「天梯」的遊戲，但劇中主角張可頤及陳山聰皆缺席。陳豪與女友陳茵媺以情侶檔亮相，對於已過檔城市電訊的張可頤未有出席，陳豪說：「唔清楚，等公司安排，可能係政策因素，人嚟唔到喺屋企睇電視支持囉，希望佢哋嗰邊都做得好，咁對電視圈有幫助，但唔係咁易成事。」

轉會城電的張可頤曾公開表示樂意協助《天梯》宣傳，監製李添勝昨日則說：「唔會啦！政策問題，佢同人哋簽咗約，冇理由去第二間電視台做嘢，TVB邊會益佢？（咁陳山聰呢？）佢喺內地！（佢好似同超雲去咗歐遊！）嗰陣佢話返內地做生意，其實一早都冇預佢宣傳，都唔知佢仲做唔做戲，佢做先再搵佢啦！（冇佢哋會影響宣傳？）冇話影唔影響嘅，當然希望齊人宣傳啦！」

而身穿旗袍的高海寧表示與山聰沒有聯絡，對於近期苟芸慧和岑麗香人氣急升，其「女神」地位備受威脅，她笑說：「係囉，老喇！所以想拍多啲劇。（認輸？）大家唔同Style，留番少少位畀我啦！」