鄧麗欣石膏腳「撐」場　

因「拇趾外翻」要動手術的鄧麗欣需要一段時間休養而損失慘重，故揚言可做的都會做，難怪不能行騷也要打着石膏出席活動。而薛凱琪行騷時卻險些仆倒，幸只是虛驚一場。

剛接受「拇趾外翻」手術不久的鄧麗欣（Stephy）、薛凱琪及劉羽琦等，前晚出席在北京舉行的《bread n butter 2012秋冬時裝騷》，打着石膏及穿上人字拖的Stephy，以長裙遮掩腳傷，其後抽起長裙向記者展示包好的腳說：「用咗好巧妙嘅方法，用黑布包住咗個石膏！」她表示原本有份行騷，但因腳傷不能穿高跟鞋而被迫放棄，並慨嘆半年內都不能穿高跟鞋，腳傷除令她諸多不便外，更直接影響收入：「拍戲郁得多嘅又唔接得。（推咗好多工作？）做到嘅都會做，好似今次咁就特登着長裙遮住。」

溝唔到富二代

雖受腳傷困擾，Stephy卻不忘大讚男友方力申照顧有加，不時做柴可夫接送她。而近年主力在內地搵銀的Stephy，問到有否富二代追求時，她即向方力申大派定心丸：「好努力咁識緊，講笑啫！我好自閉，好少出街，冇乜識到朋友。」不過，她卻避談是否已認定方力申為終身伴侶，並表示還未有結婚計劃，現以工作為先。

同場的薛凱琪以特別嘉賓身份擔任模特兒，穿上五吋高跟鞋的她甫出場即險絆倒，幸好並無出醜於人前，其後還不時High爆地舉高雙手，跳住行騷。她事後自言有行騷天分：「識得喺台上點Kick都唔會跌倒嘅絕招，其實係台上地下有條管凸起咗，有諗過繞過佢行，但會好奇怪，最後決定試一試，點知就Kick咗Kick，行騷睇騷最緊要好玩，大家都好享受！」她又透露早前剛從上海回港工作，現又要從香港趕往北京，故忙得不可開交。問到準備出國語唱片的她，是否打算轉攻內地市場賺人仔？她說：「其實想內地香港都兼顧，所以都會推出廣東碟。（喺內地有冇識到富二代？）咩地方都有富二代，但入行八年都冇識到，可能因為我懶得識朋友。」

品牌老闆娘羅可旋則透露正全力拓展內地市場，今次的時裝騷共花了七位數字。問到要同時兼顧事業及家庭是否很吃力，她表示工作上多交由同事處理，平日飛外國亦是短程。