霆鋒型Look撐場笑談心肝椗

謝霆鋒昨晚以全黑型仔打扮現身晚宴，一直笑容滿面。提到與前妻張栢芝傳復合，他雖表示沒有可能，但不忘盛讚對方：「好多人離婚後唔畀另一半見個仔，但佢唔會，打個電話就見得。（帶埋記者去？）哈哈！好呀！我同佢講有五、六十人想見。」早前被拍得與栢芝帶兒子Lucas游水的霆鋒笑言好玩，但只是盡量抽時間享親子樂，問到栢芝被指有肚腩，他說：「生咗兩個，唔好同啲18歲女仔比。」他還表示Lucas仍未知甚麼是離婚，只知爸爸經常不能在一起：「Lucas成日畀個憂鬱眼神話：『爸爸can you stay？』都有啲心痛。」

戴黑超出席的霆鋒四萬咁口，暢談親子樂。

羅力威（左起）、陳偉霆、陳家樂及洪卓立排排企合照。