Toshika勁峯狂 願獻上第一次

擁有萬千女粉絲的林峯人氣強勁，連澳洲新八模成員劉音（Toshika Liu）亦是他的「Die-hard Fans」，Toshika早前來港工作仍不忘潮拜偶像，而將攻港拍劇的她更揚言要把螢幕初吻留給對方！

圈中型男往往是少女的至愛，其中無綫小生林峯的魅力更衝出亞洲遠襲澳洲，今年來港出寫真的澳洲新八模成員劉音亦是他的忠實粉絲，她說︰「我好鍾意佢，到香港工作當然想同佢見面，我係佢嘅Die-hard Fans！」

Toshika早前來港宣傳寫真，當然不會放過追星機會，並且成功近距離一睹偶像的風采，令她開心不已，她甜笑說︰「之前佢啱啱出新碟，我當然有買，仲特登去活動搵佢簽名，佢都有求必應，真係非常開心！」提到與偶像相遇，Toshika顯然非常回味，亦笑言當時被對方電暈︰「佢真係非常好人，二話不說就幫我簽名，仲同佢合照，成個人暈晒。」

索簽名遭隊友笑

簽名唱片到手後，Toshika即向其他成員炫耀戰利品，但遭各人冷淡對待，她非常冇癮地說︰「佢哋對隻碟冇興趣，仲笑我衝去搵林峯簽名，覺得我好傻！」雖然得不到認同，但Toshika為再親近偶像，已定下攻港拍劇的目標，她說︰「之後我會再嚟工作，首要係睇有冇機會拍劇，如果可以同佢一齊合作就更好。」她揚言要把螢幕初吻獻給對方︰「我嘅螢幕初吻就只會畀佢，如果佢搵我拍MV，我一定答應！」

Profile

姓名：劉音（Toshika Liu）

年齡：25歲

三圍：33B、25、36

簡歷：18歲入行做模特兒，於澳洲打滾多年，今年加入澳洲新八模並攻港推出寫真。