無綫行政主席梁乃鵬前晚宴請劇集《回到三國》台前幕後包括藝員林峯、馬國明及楊怡等食飯慶功。林峯因拍戲遲到45分鐘，匆忙間撞腫食指：「拍咗場落水戲，沖涼拉浴簾時手指插咗埋牆，痛到幾乎着唔到褲，可能要睇骨科！」他不擔心與新片對手吳千語再傳緋聞，只當為電影宣傳。
有傳一人一票選視帝，問到Fans人多勢眾的林峯豈不是呼聲很高？他說：「唔關事！我都會支持一人一票！對自己有信心！」而馬國明則懶懶閒打定輸數：「咩機制冇所謂，攞獎平常心，唔會特登拉票或者學議員打告急牌，無謂咁核突啦！」
林峯展示受傷的手指時，竟然Chok出趣怪表情！
馬國明與楊怡出席慶功宴擦餐飽。
