胡杏兒吳卓羲 不談情傷只傾劇本
胡杏兒、吳卓羲（Ron）及傅嘉莉（Kelly）等昨晨出發到海南三亞拍攝劇集《衝上雲霄II》。提到獲舊愛黃宗澤開腔力撐她日前支持姐夫的競選陣營，杏兒說：「多謝佢，佢係我朋友，其實呢件事唔可以話係錯，係立場唔同，唔使太偏激嘅！（第時佢有事撐番佢？）都要睇係咩事！」問到與劇中有感情線的Ron會否互相安慰，她說：「唔敢！以度假心情出發，都帶咗泳衣！」Ron則表示不敢穿泳褲：「照鏡見到都驚。（怕雄風輸蝕？）要乜都有，腳又長又多腳毛又Man，係唔鍾意打大赤肋。（安慰同樣情場失意嘅杏兒？）唉！又唔見我賭場得意，我哋唔講呢啲講劇本！」
另外，Kelly在劇中與Ron及胡杏兒譜出三角戀，在劇中以水着Look示人的她，日前特地到多間水着店揀選心頭好：「以前拍《當四葉草碰上劍尖時》都試過水着，今次會成熟性感啲同鮮艷啲，心情都幾緊張，要做運動同節食！」
胡杏兒與吳卓羲頗受機場的旅客歡迎。
Kelly日前抽空買水着，希望能靚靚上鏡。