疑被虐「神獸」遭照肺 樂易玲承諾保護

「神獸天使」劉蔚萱（Jenny）疑被新劇《心路GPS》導演張永豪「施虐」，引來全城熱烈討論，事件曝光後Jenny分別被製作部召見，要求交代事件來龍去脈，據知期間高層並未慰問Jenny，甫開口更質問Jenny：「條片係咪你拍嘅？」令身為受害者的Jenny感到冤枉，忍不住放聲嚎哭！

有指張永豪獲貴為製作部高層的親戚曾勵珍撐腰，雖然曾勵珍已否認，惟張永豪的Facebook頁面顯示二人是親戚。而藝員部高層樂易玲昨日表示已見過Jenny，並透露對方情緒低落：「我要讚佢今次處理件事好好，唔開心係因為聽到得罪珍姐就以後唔使撈，我唔相信珍姐會咁做，總之藝員部會保護Jenny工作環境安全，佢唔使擔心。」而Jenny昨晚繼續為新劇開工，但與張永豪均未有接聽電話，未知是否已收到指示封嘴。

此外，無綫外事部副總監曾醒明昨日透露已收到一個電話、四十個電郵投訴，指張永豪濫用職權及以武力對待Jenny，而昨日在電視城拍攝新劇《衝上雲霄Ⅱ》的張智霖，直斥不該以極端手法教戲。