神獸天使「受虐」遭照肺

「神獸天使」劉蔚萱（Jenny）被指遭導演「虐待」一事成了電視城熱話，雖然她希望淡化事件，昨日又遭高層「照肺」，不過各高層均力撐導演張永豪只是教戲，更指拍完後還見Jenny談笑風生。

前日爆出「神獸天使」劉蔚萱拍攝劇集《心路GPS》時遭導演張永豪「虐待」，昨日無綫高層曾勵珍及監製李艷芳開記者會交代，而監製梁材遠亦於活動上作回應，眾人力撐導演張永豪，指報道斷章取義，只是導演在教戲，說是「虐待」未免太不公道，看來被指受虐的Jenny今次似乎有冤無路訴。

「唔知佢教我戲」

Jenny昨日在電話中接受訪問時坦言，前日受訪後心情沉重，看到片段後很驚訝，坦言只想淡化件事，她不諱言前晚仍有跟張永豪開工，由於對方已跟她說不好意思，故已經沒事，不過她說：「我拍時真係唔開心，因為拍時情緒就要我唔開心。（覺得佢咁教戲有冇問題？）我唔知佢教我戲，依家你講咪知囉！」她又指報道刊登後都擔心身在內地、患癌八年的母親會擔心，皆因母親最近病情復發。

身為新人的Jenny似乎甚冤枉，不過昨日無綫總監（戲劇製作）曾勵珍及監製李艷芳開記者會，對於有報道指該導演是其親戚，曾勵珍否認：「網上片段只係一部分，唔覺得佢有咩好痛苦，係斷章取義，我睇晒條片，係導演教佢做戲，唔係虐待。」而李艷芳指Jenny事前與導演有溝通，由於一場三、四個鏡頭的戲拍了兩小時，故導演才做一次給她看。雖然外間覺得Jenny「慘爆」，不過監製直指她拍完有講有笑，更提議補戲將田雞放在膊頭。曾勵珍說：「拍咗兩個鐘，係人都心急，人之常情，如果咁，第日啲導演唔使教人做戲啦！」她又指拍完那場戲後Jenny還有四場戲，不覺其受傷，更見Jenny談笑風生，她指必定會將放片段上網的人找出來交給公司處理。據知這段片被懷疑是由無綫「競爭對手」臥底於無綫攝影房偷影放上網，無綫現正依線索「緝兇」，準備報警。監製梁材遠昨日出席活動時指曾與張永豪合作，指他有藝術家脾氣，但沒有遭演員投訴。

「佢都驚到震晒」

另外，李司棋早前否認在現場，昨日她表示不想節外生枝才這樣說，並坦言由於場戲超時兩個鐘，故她一直等待，及後知Jenny拍到喊，都攬她一攬：「佢都驚到震晒，見佢好淒涼，不過佢真係做唔到導演要求，我都有走埋去教佢點做戲，後來出咗廠，我都同導演講反思吓，佢同我講唔好意思，承認忟憎咗。」

當日在現場的楊潮凱被問到片中Jenny很驚時，他說：「驚呀！啲田雞生勾勾！」對於導演用膠袋笠Jenny頭，他指導演都是想帶她入戲，說到她喊得慘，他說：「好慘，佢本身驚田雞，當時有十幾隻。」說到導演行為過分，他說：「呢啲唔評論，自己資歷好淺。」昨日傍晚，Jenny和導演張永豪齊被無綫高層曾勵珍和區偉林「照肺」，而張永豪昨日繼續開工，對於有指片段是「競爭對手 」的人放上網時，他表示公司會處理。